పవిత్రమైన ముక్కోటి ఏకాదశి (వైకుంఠ ఏకాదశి) పర్వదినం సందర్భంగా తిరుమల శ్రీవారి వైకుంఠ ద్వార దర్శనాలకు సంబంధించిన ఈ-డిప్ రిజిస్ట్రేషన్ ప్రక్రియ రికార్డు స్థాయిలో భక్తుల స్పందనతో ముగిసింది. సుమారు 1.8 లక్షల దర్శన టోకన్ల కోసం ఏకంగా 24 లక్షలకు పైగా భక్తులు తమ పేర్లను నమోదు చేసుకున్నారు.

భక్తుల అసాధారణ స్పందన:

ఈ-డిప్ రిజిస్ట్రేషన్లు 27వ తేదీ ఉదయం 10 గంటల నుండి 02వ తేదీ సాయంత్రం 5 గంటల వరకు కొనసాగాయి. మొత్తం 9.6 లక్షల రిజిస్ట్రేషన్ల ద్వారా 24,05,237 మంది భక్తులు తమ పేర్లను నమోదు చేసుకున్నారు.

• అత్యధికంగా 13.4 లక్షల మంది భక్తులు టీటీడీ మొబైల్ యాప్ ద్వారా రిజిస్టర్ చేసుకున్నారు.

• టీటీడీ వెబ్ సైట్ ద్వారా 9.3 లక్షల మంది, ఏపీ గవర్నమెంట్ వాట్సాప్ ద్వారా 1.5 లక్షల మంది భక్తులు పేర్లు నమోదు చేసుకున్నారు.

దర్శన టోకన్ల కేటాయింపు:

డిసెంబర్ 30న వైకుంఠ ఏకాదశి, 31న ద్వాదశి, జనవరి 1వ తేదీ... ఈ మూడు రోజులకు గాను ఆన్‌లైన్‌లో ఈ-డిప్ (ఎలక్ట్రానిక్ డిప్) విధానం ద్వారా భక్తులకు దర్శన టోకన్లను కేటాయించనున్నారు. ఈ-డిప్ లో ఎంపికైన భక్తులకు ఈరోజు ఆన్‌లైన్‌లో టోకన్లను కేటాయిస్తారు.

వైకుంఠ ద్వార దర్శనం: సామాన్య భక్తులకు పెద్దపీట

మొత్తం పది రోజుల పాటు (డిసెంబర్ 30 నుండి జనవరి 8 వరకు) వైకుంఠ ద్వార దర్శనం కొనసాగనుంది. సామాన్య భక్తులకు ఎక్కడా ఇబ్బందులు కలగకుండా సీఎం సూచనల మేరకు విస్తృత చర్యలు తీసుకుంటూ టీటీడీ అధికారులు అన్ని ఏర్పాట్లు చేస్తున్నారు.

తిరుమల శ్రీవారి వైకుంఠ ద్వార దర్శనాల వివరాలు (డిసెంబర్ 30 – జనవరి 8)

ముక్కోటి ఏకాదశి సందర్భంగా డిసెంబర్ 30 నుండి జనవరి 8 వరకు ఉన్న 10 రోజుల దర్శన వివరాలు ఇవీ..