బీహార్ లో ఎన్డీయే చరిత్ర సృష్టించబోతోంది .  మొత్తం ఇక్కడ ఎన్నికలు జరిగిన స్థానాలు 243కు గాను దాదాపుగా 200 స్థానాలకంటే ఎక్కువ స్థానాల్లో ఎన్డీయే అభ్యర్థులు ఆధిక్యంలో ఉన్నారు .  ఎగ్జిట్ పోల్స్ అంచనాలను మించి బీహార్ లో ఎన్డీయే దూసుకుపోతోంది .  చాలా స్థానాల్లో కాంగ్రెస్ కు డిపాజిట్లు కూడా దక్కేలా కనిపించడం లేదు .  బీహార్ విజయం ప్రతిధ్వని ఢిల్లీలో వినిపించబోతోంది. ఘనంగా విజయోత్సవ వేసుకలు నిర్వహించ బోతున్నారు .  బీహార్‌లో ఎన్డీఏ విజయోత్సవ వేడుకల్లో పాల్గొనడానికి ప్రధానమంత్రి నరేంద్ర మోడీ శుక్రవారం సాయంత్రం 6 గంటలకు ఢిల్లీలోని బీజేపీ ప్రధాన కార్యాలయాన్ని సందర్శిస్తారు. బీహార్‌లో ఎన్డీఏ ప్రభుత్వం ఏర్పడటం ఖాయం. బీజేపీ-జేడీయూ కూటమి మూడింట రెండు వంతుల కంటే ఎక్కువ సీట్లను గెలుచుకుంటుందని అంచనా.

బీహార్‌లో మొత్తం 243 అసెంబ్లీ స్థానాలు ఉన్నాయి. ప్రభుత్వాన్ని ఏర్పాటు చేయడానికి మొత్తం 122 సీట్లు అవసరం. బిజెపి, జెడియు చెరో 101 స్థానాల్లో పోటీ చేశాయి. ఎల్‌జెపికి 29 సీట్లు కేటాయించగా, హెచ్‌ఎఎం, ఆర్‌ఎల్‌ఎం చెరో ఆరు స్థానాల్లో గెలిచాయి. బిజెపి 90 స్థానాల్లో, జెడియు 80 స్థానాల్లో, ఎల్‌జెపి 29 స్థానాల్లో, హెచ్‌ఎఎం 5 స్థానాల్లో, ఆర్‌ఎల్‌ఎం 4 స్థానాల్లో ఆధిక్యంలో ఉన్నాయి.

ఈ ఏడాది ఫిబ్రవరి 8న ఢిల్లీ అసెంబ్లీ ఎన్నికల్లో విజయం సాధించిన తర్వాత ప్రధాని మోదీ పార్టీ ప్రధాన కార్యాలయాన్ని కూడా సందర్శించారు. దీనికి ముందు, హర్యానా అసెంబ్లీ ఎన్నికలు, మహారాష్ట్ర అసెంబ్లీ ఎన్నికలు మరియు లోక్‌సభ ఎన్నికల్లో విజయం సాధించిన తర్వాత మోదీ బిజెపి కార్యాలయాన్ని సందర్శించారు. 

గతంలో . .

మహారాష్ట్ర ఎన్నికల్లో మహాయుతి (బిజెపి-శివసేన-ఎన్‌సిపి) విజయం సాధించిన తర్వాత, ప్రధాని మోదీ పార్టీ ప్రధాన కార్యాలయానికి వచ్చారు. అధికారానికి ప్రాధాన్యత ఇచ్చే వారిని మహారాష్ట్ర తిరస్కరించిందని, "మనం ఐక్యంగా ఉంటే, మనం సురక్షితంగా ఉన్నామని" ఆయన నొక్కి చెప్పారు. ప్రధాని మోదీ తన 49 నిమిషాల ప్రసంగాన్ని "జై భవానీ, జై శివాజీ" వంటి నినాదాలతో ప్రారంభించి, "భారత్ మాతా కీ జై" మరియు "వందేమాతరం"తో ముగించారు.