ఆంధ్రప్రదేశ్‌లో కొత్త వాహనాల కొనుగోలుదారులకు శుభవార్త. వాహనం కొనుగోలు చేసిన తర్వాత రిజిస్ట్రేషన్ నంబర్ రావడానికి ఎదురుచూడాల్సిన రోజులు తగ్గనున్నాయి. రిజిస్ట్రేషన్ నంబర్ కేటాయింపులో ఆలస్యం లేకుండా చేయడానికి రాష్ట్ర రవాణాశాఖ కీలక నిర్ణయం తీసుకుంది. ఇప్పటివరకూ ఏదైనా వెహికిల్ కొన్నపుడు సంబంధిత షోరూంలో టెంపరరీ నెంబర్ కేటాయిస్తున్నారు. ఆ తరువాత పర్మినెంట్ నెంబర్ కోసం చాలాకాలం ఎదురుచూడాల్సిన పరిస్థితి ఉంది .  ఒక్కోసారి రెండు . .మూడు నెలలు కూడా ఇందుకోసం పడుతూవస్తోంది. ఇప్పుడు ఆ పధ్ధతి మార్చే విధంగా అధికారులు కసరత్తులు చేస్తున్నారు .  

వారం లోపు నంబర్.. 

రవాణాశాఖ ఉన్నతాధికారుల సమాచారం  ప్రకారం:

• కొత్త వాహనం రిజిస్ట్రేషన్‌కు అవసరమైన డాక్యుమెంట్లు సమర్పించిన తర్వాత ఒక వారం (7 రోజులు) లోపే శాశ్వత రిజిస్ట్రేషన్ నంబర్‌ను కేటాయించాలి ఒకవేళ ఏదైనా కారణంగా రిజిస్ట్రేషన్ ఆలస్యమైతే…సాఫ్ట్‌వేర్ ఆటోమెటిక్‌గా రిజిస్ట్రేషన్ నంబర్‌ను అలాట్ చేస్తుంది

సాఫ్ట్‌వేర్ అప్‌డేట్ అవుతోంది . . 

వాహన రిజిస్ట్రేషన్ ప్రక్రియను పూర్తిగా పారదర్శకంగా, వేగంగా మార్చేందుకు రవాణాశాఖ సాఫ్ట్‌వేర్‌లో కొత్త మార్పులు జరుగుతున్నాయి. దీని ద్వారా మాన్యువల్ గా రిజిస్ట్రేషన్ ప్రక్రియ మారిపోతుంది .  ఆలస్యం జరిగే అవకాశాలు తక్కువ అవుతాయి. దీంతో రిజిస్ట్రేషన్ కోసం డీలర్‌లు లేదా RTO చుట్టూ తిరగాల్సిన అవసరం ఉండదు.

వాహన యజమానులకు కలిగే ప్రయోజనాలు

రాష్ట్ర రవాణా శాఖ లక్ష్యం

“ప్రజలకు ఇబ్బంది కలగకుండా, రిజిస్ట్రేషన్ ప్రక్రియను వేగవంతం చేయడం”

కొత్త విధానం అమల్లోకి వచ్చిన వెంటనే వాహన కొనుగోలుదారులు ఇకపై రిజిస్ట్రేషన్ వాయిదాలు, ఫాలో-అప్‌లకు గురికాకుండానే త్వరగా పర్మినెంట్ నంబర్‌ను పొందగలుగుతారు.