దేశ రాజధాని ఢిల్లీలోని ఎర్రకోట సమీపంలో జరిగిన కారు పేలుడు దేశవ్యాప్తంగా తీవ్ర ఆందోళనకు దారితీసింది. నిన్న సాయంత్రం జరిగిన ఈ ఘటనలో 13 మంది నిరపరాధులు ప్రాణాలు కోల్పోగా, మరికొందరు తీవ్రంగా గాయపడ్డారు. చారిత్రక ప్రాధాన్యత కలిగిన ప్రాంతంలో ఇలాంటి సంఘటన జరగడం దేశ భద్రతాపరమైన ప్రశ్నలు రేకెత్తిస్తోంది.

 ప్రధానమంత్రి మోదీ స్పందన ఇదీ.. 

ప్రస్తుతం భూటాన్ పర్యటనలో ఉన్న ప్రధాని నరేంద్ర మోదీ తన బాధను వ్యక్తం చేస్తూ ఇలా అన్నారు. 

“ఈ రోజు నేను బాధతో ఇక్కడికి వచ్చాను. ఢిల్లీలో జరిగిన ఘటన నన్ను అత్యంత కలచివేసింది… బాధితుల కుటుంబాల పట్ల నా ప్రగాఢ సానుభూతి.”

• బాధిత కుటుంబాలకు అండగా నిలుస్తామని హామీ

• దేశ భద్రతను బలోపేతం చేయడానికి చర్యలు కొనసాగుతాయని తెలిపాడు

• ఈ దాడి వెనుక ఉన్నవారిని ఏజెన్సీలు ఏమైనా చేసి బయటపెడతాయి అని స్పష్టం చేశారు

“బాధ్యుల్లో ఎవ్వరినీ వదిలిపెట్టం.” అని విస్పష్టంగా ప్రకటించారు. 

అమిత్ షా సీరియస్ యాక్షన్ – హోమ్ మంత్రిత్వశాఖ ఫుల్ అలర్ట్

ఈ ఘటనపై కేంద్ర హోం మంత్రి అమిత్ షా అత్యవసర సమీక్ష సమావేశం నిర్వహించారు. 

అమిత్ షా ఆదేశించిన కీలక చర్యలు ఇవే.. 

✅ ఎన్ఐఏ (NIA) మరియు దేశీయ ఇంటెలిజెన్స్ ఏజెన్సీలు దర్యాప్తు చేపట్టాలని ఆదేశం
✅ పేలుడు చోటు చేసుకున్న ప్రాంతాన్ని NSG బాంబు పరిశీలన బృందం పరిశీలిస్తోంది
✅ పేలుడు జరిగిన కారు వివరాలు, హై-సెక్యూరిటీ ప్రాంత ప్రవేశ మార్గాలు, CCTV ఫుటేజ్‌ను సేకరించాలని ఆదేశం
✅ ఢిల్లీ పోలీసు కమిషనర్‌తో నేరుగా సమన్వయం
✅ దేశంలోని ప్రధాన నగరాల్లో హై అలర్ట్ + పహారా పెంపు

అమిత్ షా ఇలా అన్నారు.. 

“దేశ భద్రత విషయంలో రాజీ లేదు. ఈ దాడి వెనుక ఉన్న ప్రతి ఒక్కరిని చట్టం ముందుకు తీసుకొస్తాం.”

ఈ దారుణ  ఘటనపై ఇప్పటి వరకు లభించిన సమాచారం ఇదే . .

 అమిత్ షా చర్యలు ఎందుకు కీలకం?

ఎర్రకోట:

• స్వాతంత్ర్య దినోత్సవ ప్రసంగాలకు కేంద్ర బిందువు

• హై-సెక్యూరిటీ జోన్

• విదేశీ అతిథులు తరచూ సందర్శించే ప్రదేశం

అందుకే కేంద్రం ఈ ఘటనను రాష్ట్ర భద్రత కంటే ఎక్కువగా — జాతీయ భద్రతా అంశంగా చూస్తుంది. ఢిల్లీ ఎర్రకోట పేలుడు ఘటన దేశాన్ని దిగ్భ్రాంతికి గురిచేసింది. దీంతో ప్రధాని మోదీ బాధితులకు సానుభూతి తెలపడంతో పాటు బాధ్యులను వదిలే ప్రసక్తి లేదని చెప్పారు .  ఇక అమిత్  షా కఠిన భద్రతా చర్యలు మొదలుపెట్టారు. ఇద్దరూ కాల్సిసి దేశ భద్రతపై కేంద్రం రాజీపడబోదని స్పష్టమైన సందేశం ఇచ్చారని చెప్పవచ్చు.