సెమీఫైనల్లో ఆఫ్ఘనిస్థాన్పై 8 వికెట్ల తేడాతో
గెలుపు తొలుత ఆఫ్ఘన్ను 227/8కు పరిమితం
చేసిన భారత్ లక్ష్యాన్ని 36.5 ఓవర్లలోనే ఛేదించిన
యువ ఆటగాళ్లు లక్ష్య రాయ్ చందాని 93, ఆర్యవీర్ సెహ్వాగ్ 51
అండర్-19 ఆసియా కప్ 2026లో భారత యువ జట్టు ఫైనలు దూసుకెళ్లింది. గురువారం జరిగిన సెమీ ఫైనల్లో ఆఫ్ఘనిస్థాన్పై 8 వికెట్ల తేడాతో ఘన విజయం సాధించింది. మొదట బౌలింగ్లో సత్తా చాటిన భారత కుర్రాళ్లు.. ఆ తర్వాత బ్యాటింగ్ లోనూ అదరగొట్టి లక్ష్యాన్ని సునాయాసంగా ఛేదించారు. దీంతో ఫైనల్లో పాకిస్థాన్తో తలపడనున్నారు. టాస్ గెలిచి మొదట బ్యాటింగ్ చేసిన ఆఫ్ఘనిస్థాన్ నిర్ణీత 50 ఓవర్లలో 8 వికెట్ల నష్టానికి 227 పరుగులు చేసింది. నోమన్ సలారాజాయ్ (51), షా ఫైసల్ రహీమీ (51) అర్ధశతకాలతో రాణించారు. సుబ్న్ జఖైల్ 31 పరుగులు చేశాడు. భారత బౌలర్లలో ఇషాన్ సూద్ మూడు వికెట్లు పడగొట్టగా, ఆర్యన్ సావ్సాని రెండు వికెట్లు తీశాడు. 228 పరుగుల లక్ష్యంతో బరిలోకి దిగిన భారత్ 36.5 ఓవర్లలోనే రెండు వికెట్లు కోల్పోయి 230 పరుగులు చేసి గెలిచింది. కెప్టెన్ లక్ష్య రాయ్చిందానీ (93) అద్భుత ఇన్నింగ్స్ జట్టు విజయంలో కీలక పాత్ర పోషించాడు. ఆర్యవీర్ సెహ్వాగ్ (51) అర్థశతకంతో రాణించగా, వీకే వినీత్ (57 నాటౌట్) అజేయంగా నిలిచి జట్టును విజయతీరాలకు చేర్చాడు. యశవర్ధన్ చౌహాన్ 16 పరుగులతో నాటౌట్గా నిలిచాడు.