న్యూ చండీగఢ్‌లోని ముల్లన్‌పూర్ స్టేడియం ఈరోజు చరిత్ర సృష్టించబోతోంది. భారత్, దక్షిణాఫ్రికా మధ్య జరగనున్న రెండో టీ20 మ్యాచ్‌తో ఈ మైదానం తొలిసారిగా అంతర్జాతీయ క్రికెట్‌కు ఆతిథ్యం ఇస్తోంది. ముఖ్యంగా పంజాబ్ బిడ్డలైన అభిషేక్ శర్మ, శుభ్‌మాన్ గిల్, అర్ష్‌దీప్ సింగ్‌లు తమ సొంతగడ్డపై ఆడతుండటంతో అభిమానుల్లో ఉత్కంఠ నెలకొంది. అయితే, జట్టు కూర్పు విషయంలో, ముఖ్యంగా ఓపెనింగ్ స్థానంపై ఆసక్తికరమైన చర్చ నడుస్తోంది.

గిల్ vs సామ్సన్: గణాంకాలు ఏం చెబుతున్నాయి?

శుభ్‌మాన్ గిల్ క్లాస్ ప్లేయర్ అయినప్పటికీ, పొట్టి ఫార్మాట్‌లో (T20) అతని ఇటీవలి ఫామ్ ఆందోళనకరంగా ఉంది. 26 ఏళ్ల గిల్ తన గత 16 ఇన్నింగ్స్‌లలో ఒక్క అర్ధశతకం కూడా సాధించలేదు (చివరిసారిగా 2024 జూలైలో జింబాబ్వేపై 50 కొట్టాడు). మరోవైపు, సంజు సామ్సన్ అద్భుతమైన ఫామ్‌లో ఉన్నాడు.

గణాంకాలను పరిశీలిస్తే ఓపెనర్‌గా గిల్ కంటే సామ్సన్ మెరుగ్గా కనిపిస్తున్నాడు:

సామ్సన్‌కు ఎందుకు అవకాశం రావడం లేదు?

గత ఏడాది ఇన్నింగ్స్ ప్రారంభించి మూడు సెంచరీలు చేసిన సామ్సన్‌కు కేవలం ఐదు అవకాశాలే వచ్చాయి. కానీ, గిల్ 13 మ్యాచ్‌ల్లో అవకాశాలు పొందాడు. దీనికి ప్రధాన కారణం జట్టు యాజమాన్యం వ్యూహం.

• గిల్ ప్రస్తుతం టెస్ట్ - వన్డే జట్లకు వైస్ కెప్టెన్/కెప్టెన్సీ రేసులో ఉన్నాడు.

• T20 జట్టుకు కూడా వైస్ కెప్టెన్‌గా ఎంపికయ్యాడు.

• భవిష్యత్ నాయకత్వ బాధ్యతల దృష్ట్యా, గిల్ ప్లేయింగ్ XIలో ఉండటం అనివార్యంగా మారింది. కాబట్టి, సామ్సన్ మెరుగైన రికార్డు ఉన్నప్పటికీ, గిల్ స్థానానికి డోకా లేదు. చండీగఢ్‌లో గెలుపు గుర్రాలతోనే భారత్ బరిలోకి దిగే అవకాశం ఉంది.

ఈ రికార్డులపై ఓ కన్నేయండి

ఈ మ్యాచ్‌లో కొన్ని వ్యక్తిగత మరియు జట్టు మైలురాళ్లు నమోదయ్యే అవకాశం ఉంది:

• హార్దిక్ పాండ్యా: మరో సిక్స్ కొడితే అంతర్జాతీయ టీ20ల్లో 100 సిక్సర్ల క్లబ్‌లో చేరతాడు. (ప్రస్తుతం 99 సిక్సర్లు).

• అర్ష్‌దీప్ సింగ్: పవర్ ప్లేలో అత్యధిక వికెట్లు తీసిన భారత బౌలర్‌గా రికార్డు సృష్టించేందుకు సిద్దంగా ఉన్నాడు. ప్రస్తుతం భువనేశ్వర్ కుమార్ మరియు అర్ష్‌దీప్ ఇద్దరూ చెరో 47 వికెట్లతో సమానంగా ఉన్నారు.

భారత్ vs దక్షిణాఫ్రికా: రికార్డులు ఎలా ఉన్నాయి?

• మొత్తం రికార్డు: ఇప్పటివరకు జరిగిన 32 మ్యాచ్‌లలో భారత్ 19 (60%) గెలిచింది, దక్షిణాఫ్రికా 12 గెలిచింది.

• భారత గడ్డపై: రికార్డు సమంగా ఉంది (50-50). భారత్‌లో ఆడిన 13 మ్యాచ్‌లలో చెరో జట్టు 6 మ్యాచ్‌లు గెలిచాయి.

పిచ్ - వాతావరణ నివేదిక

ముల్లన్‌పూర్ పిచ్ సాధారణంగా సమతుల్యంగా ఉన్నా, కాస్త నెమ్మదిగా ఉండే అవకాశం ఉంది.

• బ్యాటింగ్: క్రీజులో కుదురుకుంటేనే పరుగులు వస్తాయి. అవుట్‌ఫీల్డ్ వేగంగా ఉండటం బ్యాటర్లకు కలిసి వచ్చే అంశం.

• బౌలింగ్: కొత్త బంతితో పేసర్లకు స్వింగ్ లభిస్తుంది. మధ్య ఓవర్లలో స్పిన్నర్లు ప్రభావం చూపుతారు.

• టాస్: సాయంత్రం మంచు (Dew) ప్రభావం ఉంటుంది కాబట్టి, టాస్ గెలిచిన కెప్టెన్ బౌలింగ్ ఎంచుకోవడం ఉత్తమం.