దక్షిణాఫ్రికాతో రాయపూర్ లో జరుగిన రెండో వన్డేలో భారత జట్టు ఓడిపోయింది. భారత్ నిర్దేశించిన 359 పరుగుల విజయలక్ష్యాన్ని ఆరు వికెట్లు కోల్పోయి సునాయాసంగా ఛేదించారు సఫారీలు. దీంతో విరాట్ కోహ్లీ, రుతురాజ్ గైక్వాడ్ సెంచరీల శ్రమ పనికిరాకుండా పోయింది. 

రాయ్‌పూర్‌లోని షహీద్ వీర్ నారాయణ్ సింగ్ స్టేడియంలో జరిగిన ఈ మ్యాచ్ లో భారత్ టాస్ ఓడింది .  దీంతో వరుసగా 20వ వన్డేలో భారత జట్టు టాస్ ఓడిపోయినట్లయింది. దక్షిణాఫ్రికా టాస్ గెలిచి ముందుగా బౌలింగ్ చేయాలని నిర్ణయించుకుంది. టీమిండియా 50 ఓవర్లలో 5 వికెట్లకు 358 పరుగులు చేసింది. విరాట్ కోహ్లీ (102 పరుగులు) వరుసగా రెండో మ్యాచ్‌లో సెంచరీ సాధించాడు. రుతురాజ్ గైక్వాడ్ కూడా ఇన్నింగ్స్‌లో 105 పరుగులు చేశాడు. అతను తన వన్డే కెరీర్‌లో తొలి సెంచరీ సాధించాడు. 

విరాట్ కోహ్లీ 90 బంతుల్లో సెంచరీ చేశాడు. మిడ్-ఆన్ కు బ్యాక్ ఫుట్ పంచ్ తో సింగిల్ తీసుకొని సెంచరీ పూర్తి చేసుకున్నాడు. ఆ తర్వాత తనదైన శైలిలో దూకి రింగ్ ను ముద్దాడుతూ సంబరాలు చేసుకున్నాడు. కోహ్లీ తన 53వ వన్డే సెంచరీని సాధించాడు, అంతర్జాతీయ క్రికెట్ లో అతని మొత్తం సెంచరీల సంఖ్య 84కి చేరుకుంది. మరోవైపు రుతురాజ్ గైక్వాడ్ కూడా సెంచరీ చేసి భారత్ భారీ స్కోరు చేసేందుకు దోహదపడ్డాడు. 

భారత్ నిర్దేశించిన 359 పరుగుల భారీ లక్ష్యాన్ని సాధించే క్రమంలో సఫారీలు తొందరగానే తొలి వికెట్ ను పోగొట్టుకున్నారు. ఐదవ ఓవర్లో అర్ష్దీప్ సింగ్ భారత్ కు తొలి వికెట్ ఇచ్చాడు.  8 పరుగులు చేసిన క్వింటన్ డి కాక్ ను అవుట్ చేశాడు. వాషింగ్టన్ సుందర్ కు క్యాచ్ ఇచ్చి డికాక్ ఔట్ అయ్యాడు. 

ఆ తరువాత  కెప్టెన్ టెంబా బావుమా, ఐడెన్ మార్క్రామ్ మధ్య సెంచరీ భాగస్వామ్యం కొనసాగింది. బావుమా 44 పరుగుల వద్ద ఔటయ్యాడు. ఆ తర్వాత మార్క్రామ్ సెంచరీ చేసి జట్టును 200 పరుగులకు దగ్గరగా తీసుకెళ్లాడు. మార్క్రామ్ ఔటైన తర్వాత, డెవాల్డ్ బ్రెవిస్ 54 పరుగులు, మాథ్యూ బ్రెట్జ్కీ 68 పరుగులు చేసి జట్టు స్కోరును 300 దాటించారు.

322 పరుగుల స్కోరు చేసే సమయానికి, జట్టు బ్రెవిస్, బ్రీట్జ్కీ, ఆపై మార్కో జాన్సన్ వికెట్లను కోల్పోయింది. అయితే, కార్బిన్ బాష్ చివరికి ఆ మ్యాచ్‌లో గెలవడానికి అవసరమైన 37 పరుగులను సాధించాడు. భారతదేశం తరపున, అర్ష్‌దీప్ సింగ్ మరియు ప్రసిద్ధ్ కృష్ణ చెరో రెండు వికెట్లు పడగొట్టారు. హర్షిత్ రాణా మరియు కుల్దీప్ యాదవ్ చెరో వికెట్ తీశారు. సిరీస్‌లో మూడవ వన్డే డిసెంబర్ 6న విశాఖపట్నంలో జరుగుతుంది.