తొలి టీ20లో దక్షిణాఫ్రికాను 101 పరుగుల తేడాతో ఓడించి సిరీస్‌లో 1-0 ఆధిక్యంలో నిలిచింది. టీం ఇండియా 100 లేదా అంతకంటే ఎక్కువ పరుగుల తేడాతో టీ20 గెలవడం ఇది తొమ్మిదోసారి. రెండో టీ20 డిసెంబర్ 11న చండీగఢ్‌లో జరుగుతుంది.  కటక్‌లోని బారాబతి స్టేడియంలో మంగళవారం దక్షిణాఫ్రికా బౌలింగ్ ఎంచుకుంది. దీంతో బ్యాటింగ్ చేసిన భారత్ హార్దిక్ పాండ్యా అర్ధ సెంచరీతో  6 వికెట్లకు 175 పరుగులు చేసింది. దీనికి సమాధానంగా, సఫారీలు  74 పరుగులకే ఆలౌట్ అయ్యారు.

హార్దిక్ 28 బంతుల్లో ఆరు ఫోర్లు, నాలుగు సిక్సర్లతో 59 పరుగులు చేశాడు. తిలక్ వర్మ 26, అక్షర్ పటేల్ 23 పరుగులు చేశాడు. దక్షిణాఫ్రికా తరఫున లుంగి న్గిడి మూడు వికెట్లు, లూథో సిపామ్లా రెండు వికెట్లు పడగొట్టాడు. సమాధానంగా, డెవాల్డ్ బ్రెవిస్ 22 పరుగులతో టాప్ స్కోరర్‌గా నిలిచాడు. ఏడుగురు ఆటగాళ్లు 10 పరుగులు కూడా చేయలేకపోయారు. భారతదేశం తరపున అర్ష్‌దీప్ సింగ్, జస్‌ప్రీత్ బుమ్రా, వరుణ్ చక్రవర్తి, అక్షర్ పటేల్ తలా రెండు వికెట్లు పడగొట్టగా, హార్దిక్ పాండ్యా, శివమ్ దుబే తలా ఒక వికెట్ తీశారు.

బుమ్రా తన 100వ T20I వికెట్‌ను కూడా చేరుకున్నాడు. మరోవైపు బ్యాటింగ్ లో హార్దిక్ 100వ సిక్స్ కొట్టాడు.  

దక్షిణాఫ్రికా అత్యల్ప T20I స్కోరు:

భారత్ ఇచ్చిన 176 పరుగుల లక్ష్యాన్ని ఛేదించే క్రమంలో దక్షిణాఫ్రికా కేవలం 74 పరుగులు మాత్రమే చేయగలిగింది, ఇది T20Iలలో వారి అత్యల్ప స్కోరు. గతంలో, 2022లో, రాజ్‌కోట్‌లో భారత్‌పై వారు 87 పరుగులకు ఆలౌట్ అయ్యారు. కటక్‌లో జరిగిన T20Iలో భారత్ తొలిసారి దక్షిణాఫ్రికాను ఓడించింది.