2025 బీహార్ అసెంబ్లీ ఎన్నికల రెండు దశల పోలింగ్ ముగిసింది. నవంబర్ 6న మొదటి దశలో 121 స్థానాలకు, నవంబర్ 11న రెండవ దశలో 122 స్థానాలకు పోలింగ్ జరిగింది.  పోలింగ్ ముగిసిన  తరువాత ఎగ్జిట్ పోల్స్  అయ్యాయి. వివిధ సంస్థలు జరిపిన ఈ సర్వేల్లో NDA స్పష్టమైన మెజారిటీని సాధిస్తుందని.. మహా కూటమి 73 నుండి 91 స్థానాల్లో ఆధిక్యంలో ఉందని తేలినట్టు చెబుతున్నారు. 

ఈ రిపోర్టుల ప్రకారం ప్రశాంత్ కిషోర్ జాన్ సూరజ్ అభ్యర్థులు మూడు స్థానాల్లో గట్టి పోటీలో ఉన్నారు. ఆ  పార్టీ ఈసారి తన ఖాతాను తెరవవచ్చు. ఇక  అసదుద్దీన్ ఒవైసీ AIMIM కేవలం ఒక స్థానానికి పరిమితం కావచ్చు.  మరోవైపు ఈ సర్వేలన్నీ కూడా RJD - కాంగ్రెస్ గణనీయమైన నష్టాలను ఎదుర్కొంటాయని చెబుతున్నాయి. 

ఇక వివిధ సంస్థలు ఇచ్చిన ఎగ్జిట్ పోల్స్ ఫలితాలు ఇలా ఉన్నాయి.. 

జేవీసీ

ఎన్డీఏ కూటమి-135-150

మహాఘట్‌బంధన్-88-103

జేఎస్‌పీ-0-1

ఇతరులు-3-6

మ్యాట్రిజ్

ఎన్డీఏ కూటమి-147-167

మహాఘట్‌బంధన్-70-90

జేఎస్‌పీ-0-2

ఇతరులు-2-8

పీపుల్స్ ఇన్‌సైట్

ఎన్డీఏ కూటమి-133-148

మహాఘట్‌బంధన్-87-102

జేఎస్‌పీ-0-2

ఇతరులు-3-6

దైనిక్ భాస్కర్

ఎన్డీఏ కూటమి-145-160

మహాఘట్‌బంధన్-73-91

జేఎస్‌పీ-0-3

ఇతరులు-5-7

పీపుల్స్ పల్స్

ఎన్డీఏ కూటమి-133-159

మహాఘట్‌బంధన్-75-101

జేఎస్‌పీ-0-5

ఇతరులు-2-8

చాణక్య స్ట్రాటజీస్

ఎన్డీఏ కూటమి-130-138

మహాఘట్‌బంధన్-100-108

జేఎస్‌పీ-0

ఇతరులు-3-5

పీమార్క్

ఎన్డీఏ కూటమి-142-162

మహాఘట్‌బంధన్-80-98

జేఎస్‌పీ-1-4

ఇతరులు-0-3

అదండీ విషయం.. దాదాపుగా అన్ని సంస్థలు కూడా ఎన్డీయే విజయం పక్కా అంటున్నాయి. అంతేకాకుండా.. ఈ ఎగ్జిట్ పోల్స్ సంస్థలన్నీ చెబుతున్న విషయాలను క్రోడీకరిస్తే ఆ పల్స్ ట్రెండ్స్ ఏం చెబుతున్నాయి అనేది ఒకసారి చూద్దాం.. 

ఎన్డీఏ

2020లో NDA 125 సీట్లు గెలుచుకుంది. ఈసారి, అది 20 నుండి 35 సీట్లు ఎక్కువ పొందే అవకాశం ఉంది.

JDU: 2020లో JDU 43 సీట్లు గెలుచుకుంది. ఈసారి అది 59 నుండి 68కి చేరుకోవచ్చు. ఆ పార్టీకి 16 నుండి 25 సీట్లు పెరగవచ్చు.

బిజెపి: 2020లో 74 సీట్లు గెలుచుకుంది. ఈసారి, దాని సంఖ్యను 72 నుండి 82కి పెంచుకోవచ్చు. పార్టీకి ఎనిమిది సీట్లలో గట్టి పోటీలో ఉంది.

LJP(R)-HAM-RLM : చిరాగ్ పాశ్వాన్ నేతృత్వంలోని LJP-R 28 స్థానాల్లో పోటీ చేసింది కానీ 4-5 స్థానాల్లో మాత్రమే ఆధిక్యంలో ఉంది. జితన్ రామ్ మాంఝీ నేతృత్వంలోని HAM 6 స్థానాల్లో పోటీ చేసి 4-5 స్థానాల్లో ఆధిక్యంలో ఉంది. ఉపేంద్ర కుష్వాహా నేతృత్వంలోని RLM ఖాతా తెరవడం అసంభవం.

గ్రాండ్ అలయన్స్

2020లో మహా కూటమి 110 సీట్లు గెలుచుకుంది. ఈసారి అది 19 నుండి 37 సీట్లు కోల్పోయి 73 నుండి 91కి పడిపోయే అవకాశం ఉంది.

ఆర్జేడీ: అతిపెద్ద ఓటమి కనిపిస్తోంది. 2020లో అది 75 సీట్లు గెలుచుకుంది. ఈసారి, అది 12 నుండి 24 సీట్లు కోల్పోవచ్చు.

కాంగ్రెస్: 59 స్థానాల్లో పోటీ చేసింది. అది 12 నుండి 15 స్థానాల్లో మాత్రమే ఆధిక్యంలో ఉన్నట్లు కనిపిస్తోంది. 2020లో అది 19 స్థానాలను గెలుచుకుంది.

VIP: ముఖేష్ సాహ్ని VIP 13 సీట్లలో పోటీ చేసింది, కానీ పార్టీ ఏ స్థానంలోనూ ఆధిక్యంలో ఉండే అవకాశం లేదు. 

CPI(ML)-CPI-CPM: వామపక్ష పార్టీలలో, CPI-ML ప్రతికూల స్థితిలో ఉన్నట్లు కనిపిస్తోంది. గతసారి, అది 12 సీట్లు గెలుచుకుంది, కానీ ఈసారి అది 6 నుండి 9 సీట్లలో ఆధిక్యంలో ఉంది. CPI 2 సీట్లలో ముందంజలో ఉండగా, CPM ఒక స్థానంలో ముందంజలో ఉంది. మహా కూటమిలో భాగమైన IIP కూడా ఒక స్థానంలో ముందంజలో ఉంది.

ఎగ్జిట్ పోల్స్ మొత్తం పరిశీలిస్తే దాదాపుగా అన్ని సంస్థలు ఒకే విధమైన ఫలితాలు చెప్పాయి. నిజానికి ఇది కేవలం అభిప్రాయం లాంటిదని చెప్పవచ్చు. అన్నిసార్లు ఎగ్జిట్ పోల్స్ కరెక్ట్ కావాలని లేదు. అలా అని కాకపోవచ్చని కూడా కాదు. చాలా సందర్భాల్లో ఎగ్జిట్ పోల్స్ లెక్కలు తిరగబడ్డ పరిస్థితి ఉంది. ప్రస్తుతం నవంబర్ 14న వచ్చే తుది ఫలితం వరకూ ఈ ఎగ్జిట్ పోల్స్ ఫలితాలనే మనం నమ్మాల్సిందే. నిజమైన విజేత ఎవరో ఆరోజు తేలుతుంది.