2030 కామన్వెల్త్ క్రీడల ఆతిథ్య హక్కులను భారతదేశానికి వచ్చాయి. స్కాట్లాండ్‌లోని గ్లాస్గోలో బుధవారం జరిగిన కామన్వెల్త్ క్రీడల ఎగ్జిక్యూటివ్ బోర్డు సమావేశం తర్వాత అహ్మదాబాద్‌ను ఆతిథ్య నగరంగా ప్రకటించారు. భారతదేశం 15 సంవత్సరాల విరామం తర్వాత కామన్వెల్త్ క్రీడలు (CWG)ను నిర్వహిస్తోంది. మునుపటి ఈవెంట్ 2010లో న్యూఢిల్లీలో జరిగింది. ఆ సమయంలో, భారత అథ్లెట్లు 38 స్వర్ణాలతో సహా 101 పతకాలను గెలుచుకున్నారు. 

20 సంవత్సరాల తర్వాత ..

గతంలో న్యూఢిల్లీలో  కామన్వెల్త్ క్రీడలు 2010లో నిర్వహించారు.  అలాగే CWG తో పాటు, భారతదేశం 1951-1982లో ఆసియా క్రీడలకు ఆతిథ్యం ఇచ్చింది. ఆఫ్రో-ఆసియన్ కప్ కూడా 2003లో హైదరాబాద్‌లో జరిగింది.

కామన్వెల్త్ క్రీడలను నిర్వహించడం ఎందుకు అంత ప్రత్యేకమైనది?

ఏ దేశానికైనా, కామన్వెల్త్ క్రీడలను నిర్వహించడం కేవలం ఒక క్రీడా కార్యక్రమం మాత్రమే కాదు, దాని అంతర్జాతీయ ఖ్యాతి, అభివృద్ధి సామర్థ్యం, ​​మౌలిక సదుపాయాలు, దార్శనికతకు చిహ్నం కూడా. ఆస్ట్రేలియా, ఇంగ్లాండ్, భారతదేశం, కెనడా, న్యూజిలాండ్‌తో సహా ఇప్పటివరకు తొమ్మిది దేశాలు ఈ కార్యక్రమాన్ని నిర్వహించాయి. ఈ కార్యక్రమాన్ని అత్యధికంగా నిర్వహించిన రికార్డును ఆస్ట్రేలియా కలిగి ఉంది. అక్కడ ఐదుసార్లు కామన్వెల్త్ క్రీడలు నిర్వహించారు.

2036 ఒలింపిక్స్‌ ఆతిథ్యానికి గేట్ వే..  2030 కామన్వెల్త్ క్రీడలను గెలవడం వల్ల 2036 ఒలింపిక్స్‌కు ఆతిథ్యం ఇవ్వాలనే భారతదేశం బిడ్‌ను బలోపేతం చేస్తుంది. 2036 ఒలింపిక్స్‌కు ఆతిథ్యం ఇవ్వడానికి భారతదేశం కూడా సన్నాహాలు చేస్తోంది. ప్రధానమంత్రి నరేంద్ర మోడీ ఎర్రకోట నుండి ఈ విషయాన్ని ప్రకటించారు. గత సంవత్సరం నవంబర్‌లో, 2036 ఒలింపిక్స్‌కు ఆతిథ్యం ఇవ్వడానికి భారతదేశం తన బిడ్‌ను సమర్పించింది.

గత కామన్వెల్త్ క్రీడల్లో 61 పతకాలు.. 

2022 బర్మింగ్‌హామ్ కామన్వెల్త్ క్రీడల్లో 72 దేశాల నుండి 5,000 మందికి పైగా అథ్లెట్లు పాల్గొన్నారు. భారతదేశం మొత్తం 61 పతకాలను గెలుచుకుంది: 22 స్వర్ణాలు, 16 రజతాలు మరియు 23 కాంస్యాలు. వీటిలో 30 పతకాలు రెజ్లింగ్, వెయిట్ లిఫ్టింగ్ మరియు అథ్లెటిక్స్ నుండి మాత్రమే వచ్చాయి. మహిళల క్రికెట్ జట్టు కూడా ఒక రజత పతకాన్ని గెలుచుకుంది.

కామన్వెల్త్ క్రీడల చరిత్ర

ఇది చాలా ఆసక్తికరంగా ఉంటుంది. ఇది బహుళ-క్రీడా అంతర్జాతీయ కార్యక్రమం, దీనిలో బ్రిటిష్ పాలనలో ఉన్న దేశాల నుండి అథ్లెట్లు పాల్గొంటారు. ఇందులో 54 సభ్య దేశాలు ఉన్నాయి. ఈ క్రీడలు 1930లో కెనడాలోని హామిల్టన్‌లో ప్రారంభమయ్యాయి. వీటిని మొదట బ్రిటిష్ ఎంపైర్ గేమ్స్ అని పిలిచేవారు. 1978 నుండి, వీటిని కామన్వెల్త్ గేమ్స్‌గా పేరు మార్చారు. 2030 ఎడిషన్ కామన్వెల్త్ క్రీడల 100వ వార్షికోత్సవాన్ని గుర్తు చేస్తుంది.