2000 సిక్సర్ల క్లబ్ లో తొలి జట్టు!

అంతర్జాతీయ టీ20 క్రికెట్లో వెస్టిండీస్ సరికొత్త చరిత్ర సృష్టించింది. పొట్టి ఫార్మాట్లో 2,000 సిక్సర్లు బాదిన తొలి జట్టుగా చారిత్రక మైలురాయిని అందుకుంది. ఎప్పటినుంచో దూకుడైన బ్యాటింగ్ కు మారుపేరుగా నిలిచిన కరీబియన్ జట్టు, ఈ అరుదైన ఘనతను తమ ఖాతాలో వేసుకుంది. భారత్తో జరిగిన మ్యాచ్లో 13 సిక్సర్లు బాదడం ద్వారా ఈ రికార్డును నెలకొల్పింది. ఈ మ్యాచ్ ప్రారంభానికి ముందు వెస్టిండీస్ జట్టు 1,997 సిక్సర్లతో 2000 మార్కుకు అత్యంత చేరువలో ఉంది. మ్యాచ్లో ఆ జట్టు బ్యాటర్లు తమదైన శైలిలో చెలరేగి 13 సిక్సర్లు కొట్టి, ఈ చారిత్రక మనతను అందుకున్నారు. క్రిస్ గేల్, కీరన్ పొలార్డ్, ఆండ్రీ రస్సెల్ వంటి పవర్ హిట్టర్లు గతంలో వేసిన పునాదికి, ప్రస్తుత తరం ఆటగాళ్లు అందించిన సహకారానికి ఈ రికార్డు. నిదర్శనంగా నిలిచింది. కాగా, ఈ సిక్సర్ల రేసులో వెస్టిండీన్కు టీమిండియా గట్టి పోటీ ఇస్తోంది. తాజా మ్యాచ్ ముగిసే సమయానికి భారత్ కూడా దాదాపు 1,997 సిక్సర్లతో రెండో స్థానంలో నిలిచింది. బుధవారం హైదరాబాద్ లో జరగనున్న తదువరి టీ20 మ్యాచ్లోనే భారత్ కూడా ఈ 2000 సిక్సర్ల క్లబ్లో చేరే అవకాశం స్పష్టంగా కనిపిస్తోంది.

ఈ జాబితాలో న్యూజిలాండ్ సుమారు 1,585 సిక్సర్లతో మూడో స్థానంలో చాలా వెనుకబడి ఉంది. పవర్ హిట్టింగ్ విషయంలో విండీస్, భారత్ జట్లు ఎంత ఆధిపత్యం చెలాయిస్తున్నాయో ఈ గణాంకాలు స్పష్టం చేస్తున్నాయి. ఇక ఈ మ్యాచ్లో భారత్ విజయం సాధించడం విశేషం. ఈ పర్యటనలో తొలిసారిగా టీమిండియా నిర్దేశించిన నిర్దేశించిన లక్ష్యాన్ని కాపాడుకుని గెలుపొందింది. మ్యాచ్ అనంతరం వెస్టిండీస్ కెప్టెన్ షాయ్ హోప్ మాట్లాడుతూ.. "బౌలింగ్లో మేం మరికొంత మెరుగ్గా ప్రణాళికలు అమలు చేసి ఉంటే బాగుండేది. ఆటలో చిన్నచిన్న అంశాలే ఫలితాన్ని నిర్దేశిస్తాయి" అని వ్యాఖ్యానించాడు.