మాస్ మహారాజా రవితేజ నటిస్తున్న RT 76 చిత్రానికి అదిరిపోయే టైటిల్ ఖరారైంది. ఈ సినిమాకు 'భర్త మహాశయులకు విజ్ఞప్తి' అనే టైటిల్‌ను చిత్రబృందం తాజాగా ప్రకటించింది. దీనికి సంబంధించిన టైటిల్ గ్లింప్స్‌ను కూడా విడుదల చేయగా, ప్రేక్షకులలో ఈ సినిమాపై ఆసక్తిని పెంచింది.

మూవీ హైలైట్స్ ఇవే . . 

• టైటిల్: భర్త మహాశయులకు విజ్ఞప్తి

• హీరో: మాస్ మహారాజా రవితేజ

• దర్శకత్వం: కిశోర్ తిరుమల

• హీరోయిన్లు: ఆశికా రంగనాథ్, డింపుల్ హయతి

• రవితేజ పాత్ర: రామ సత్యనారాయణ

• విడుదల: 2026 సంక్రాంతికి

🔥 టైటిల్ గ్లింప్స్ హైలైట్స్

క్లాస్, ఫ్యామిలీ అంశాలకు ప్రాధాన్యత ఇచ్చే దర్శకుడు కిశోర్ తిరుమల టేకింగ్‌లో రవితేజ ఒక కొత్తదనం చూపించబోతున్నారని గ్లింప్స్ స్పష్టం చేస్తోంది. రవితేజ ఇందులో రామ సత్యనారాయణ అనే పాత్రలో కనిపించనున్నారు.

గ్లింప్స్ వీడియోలో రవితేజ తనదైన టైమింగ్‌తో కూడిన వాయిస్ ఓవర్‌తో ఆకట్టుకున్నారు .   'భక్త మహాశయులకు విజ్ఞప్తి' అనే ఈ టైటిల్‌ను ఎంచుకోవడం సినిమా  ఫ్యామిలీ ఎంటర్‌టైనర్ జోనర్‌ను సూచిస్తోంది. భార్యాభర్తల మధ్య తలెత్తే సరదా తగాదాలు, సంసారంలో భర్తలు ఎదుర్కొనే 'కష్టాలు' ప్రధానాంశంగా ఈ చిత్రం తెరకెక్కుతున్నట్లు సమాచారం.

ఈ చిత్రంలో ఆశికా రంగనాథ్, డింపుల్ హయతి కథానాయికలుగా నటిస్తుండగా, ఇద్దరు హీరోయిన్ల మధ్య సాగే డ్రామా సినిమాకు ప్రధాన ఆకర్షణగా నిలవనుంది. మొత్తమ్మీద రవితేజ తన మాస్ ఇమేజి నుంచి బయటపడే ప్రయత్నం చేస్తున్నట్టు కనిపిస్తోంది .  

🗓️ సంక్రాంతి లక్ష్యం

SLV సినిమాస్ బ్యానర్‌పై సుధాకర్ చెరుకూరి ఈ చిత్రాన్ని భారీ బడ్జెట్‌తో నిర్మిస్తున్నారు. ఈ చిత్రాన్ని 2026 సంక్రాంతి పండుగ కానుకగా ప్రేక్షకుల ముందుకు తీసుకురావడానికి మేకర్స్ ప్లాన్ చేస్తున్నారు. ఇప్పటికే సినిమా షూటింగ్ స్పెయిన్ షెడ్యూల్ పూర్తి చేసుకుని, హైదరాబాద్‌లో చివరి దశకు చేరుకుంది.

'భర్త మహాశయులకు విజ్ఞప్తి' టైటిల్ మరియు గ్లింప్స్ చూస్తుంటే, మాస్ ఇమేజ్‌తో పాటు ఫ్యామిలీ ఆడియన్స్‌ను మెప్పించేలా రవితేజ ఈసారి ఒక క్లాస్ బాట పట్టబోతున్నారని సినీ వర్గాలు భావిస్తున్నాయి.