జూనియర్ ఎన్టీఆర్ ప్రస్తుతం ప్రశాంత్ నీల్ దర్శకత్వంలో ఓ భారీ యాక్షన్ ఎంటర్‌టైనర్ చేస్తున్నారు. ఈ ప్రాజెక్ట్‌కు “డ్రాగన్” అనే టైటిల్‌ ప్రచారంలో ఉంది. ఇప్పటికే సినిమా షూటింగ్ ప్రారంభమైనప్పటికీ, ఆ తర్వాత మేకర్స్ ఎలాంటి అప్‌డేట్స్ ఇవ్వకపోవడంతో అభిమానుల్లో కాస్త ఉత్కంఠ నెలకొంది. అయితే నిర్మాత మైత్రి రవిశంకర్ ఒక సందర్భంలో “ఈ సినిమాను భారీ రేంజ్‌లో ప్లాన్ చేస్తున్నాం” అని చెప్పడంతో, అంచనాలు మళ్లీ పీక్స్‌కు చేరాయి.

ఇక తాజాగా ఎన్టీఆర్ కొత్త లుక్ సోషల్ మీడియాలో ట్రెండ్ సెట్ చేస్తోంది. కొంతకాలంగా తారక్ ఫిట్‌నెస్‌పై దృష్టి పెట్టి, బరువు తగ్గుతూ ఫిట్‌గా మారుతున్నారు. ఆయన బావమరిది నార్నె నితిన్ పెళ్లిలో కూడా తారక్ సన్నగా, స్మార్ట్‌గా కనిపించారు. ఆ లుక్ వెనుక కారణం ప్రశాంత్ నీల్ సినిమా కోసం చేసిన మేకోవర్ అని ఇండస్ట్రీ వర్గాలు చెబుతున్నాయి. ఇప్పుడు డైరెక్టర్ అనుకున్న లుక్ ఫైనల్‌గా వచ్చేసిందని, త్వరలో షూటింగ్ రీ స్టార్ట్ అవుతుందని సమాచారం.

తాజాగా ఎయిర్‌పోర్ట్‌లో ఎన్టీఆర్ కనిపించిన వీడియోలు సోషల్ మీడియాలో వైరల్ అవుతున్నాయి. బ్లూ జీన్స్, క్యాజువల్ చెక్ షర్ట్, పైన బ్లాక్ జాకెట్ — ఈ కాంబినేషన్‌లో తారక్ స్టైలిష్‌గా కనిపించారు. గత నెలతో పోల్చితే ఇప్పుడు కొద్దిగా బరువు పెరిగినట్లు కనిపిస్తోంది. ఆయన ముఖంలో కొత్త గ్లో, ఆత్మవిశ్వాసం స్పష్టంగా కనిపించాయి. బయటకు వస్తూ మీసం తిప్పుతూ కెమెరా వైపు ఇచ్చిన లుక్‌ అభిమానులను పిచ్చెక్కిస్తోంది.

సోషల్ మీడియాలో ఎన్టీఆర్ పేరు ట్రెండింగ్‌లోకి ఎక్కింది. “ఇలాంటి లుక్‌తో తారక్ బిగ్ స్క్రీన్‌పై కనిపిస్తే థియేటర్లు బ్లాస్ట్ అవుతాయి!”, “టైగర్ మీసం మెలేస్తుంది!” అంటూ ఫ్యాన్స్ ఉత్సాహంగా పోస్టులు షేర్ చేస్తున్నారు. “ఇది ఊర మాస్ లుక్‌కి డెఫినిషన్!” అని అభిమానులు కామెంట్లు చేస్తున్నారు.

ప్రశాంత్ నీల్ దర్శకత్వం, ఎన్టీఆర్ ఎనర్జీ కలిస్తే — ‘డ్రాగన్’ ఇండియన్ సినీ రికార్డులను బద్దలు కొట్టే అవకాశం ఉందని సినీ వర్గాలు చెబుతున్నాయి.