ఈస్ట్ జోన్ 708 పరుగుల భారీ స్కోరు 
దులీప్ ట్రోఫీ ఫైనల్లో ఈస్ట్ జోన్ వరుగుల వరద
కెప్టెన్ ఇషాన్ కిషన్ 270 పరుగులతో అద్భుత డబుల్ సెంచరీ
కుమార్ కుశాగ్ర కూడా శతకంతో రాణింపు
రెండో ఇన్నింగ్స్ లో 708 వరుగుల భారీ స్కోరు నమోదు
సౌత్ జోన్ పై పూర్తి ఆధిపత్యం ప్రదర్శిస్తున్న ఈస్ట్ జోన్

చెన్నైలోని ఎంపి చిదంబరం స్టేడియం వేదికగా జరుగుతున్న దులీప్ ట్రోఫీ ఫైనల్లో ఈస్ట్ జోన్ కెప్టెన్ ఇషాన్ కిషన్ (270) రికార్డు డబుల్ సెంచరీతో కదం తొక్కాడు. అతనికి కుమార్ కుశాగ్ర (101) శతకంతో జత కలపడంతో, ఈస్ట్ జోన్ తమ రెండో ఇన్నింగ్స్లో 708 పరుగుల భారీ స్కోరు నమోదు చేసింది. దీంతో సౌత్ జోన్పై పూర్తి ఆధివత్యం ప్రదర్శిస్తూ విజయం దిశగా పటిష్టమైన పునాది వేసుకుంది. ఓవరైట్ స్కోరు 385/4తో రెండో రోజు ఆట ప్రారంభించిన ఈస్ట్ జోన్, ఆరంభం నుంచే పరుగుల వరద పారించింది. వికెట్ల కోసం తీవ్రంగా ప్రయత్నించిన సౌత్ జోన్, కొత్త బంతిని తీసుకున్నా ఫలితం లేకపోయింది. పేసర్లు మహ్మద్ సిరాజ్, ఎండీ నిధీశ్ బౌలింగ్ను ఇషాన్ కిషన్ సమర్థంగా ఎదుర్కొని బౌండరీలతో విరుచుకుపడ్డాడు. మరో ఎండ్లో కుశాగ్ర కూడా దూకుడుగా ఆడుతూ స్కోరు బోర్డును పరుగులు పెట్టించాడు. లంచ్కు ముందు కుమార్ కుశాగ్ర తన ఆరో ఫస్ట్ క్లాస్ సెంచరీని పూర్తి చేసుకున్నాడు. అయితే, శతకం తర్వాత త్రిపురాణ విజయ్ బౌలింగ్లో భారీ షాట్కు యత్నించి ఫైన్ లెగ్ వద్ద ఫీల్డర్కు క్యాచ్ ఇచ్చి వెనుదిరిగాడు. కుశాగ్ర ఔటైనా ఇషాన్ కిషన్ తన జోరును ఏమాత్రం తగ్గించలేదు. అలసిపోయిన సౌత్ జోన్ బౌలర్లను లక్ష్యంగా చేసుకుని, నులువుగా బౌండరీలు బాదుతూ 270 బంతుల్లో డబుల్ సెంచరీ పూర్తి చేసుకున్నాడు. డబుల్ సెంచరీ తర్వాత మరింత వేగంగా ఆడిన ఇషాన్ కిషన్, ట్రిపుల్ సెంచరీ వైపు దూసుకెళ్లాడు. ఈ క్రమంలో కాస్త అలసటకు గురై తాత్కాలికంగా రిటైర్ అయినా, మహ్మద్ షమీ (28) ఔటైన తర్వాత తిరిగి క్రీజులోకి వచ్చాడు. అయితే, మరోవైపు వికెట్లు పడుతుండటంతో భారీ షాట్కు ప్రయత్నించి లాంగ్ ఆన్ బౌండరీ వద్ద క్యాచ్ ఔటయ్యాడు. కేవలం 30 పరుగుల తేడాతో ట్రిపుల్ సెంచరీ చేజార్చుకున్నాడు. తన 334 బంతుల ఇన్నింగ్స్లో 30 ఫోర్లు, 7 సిక్సర్లు ఉన్నాయి. దులీప్ ట్రోఫీ చరిత్రలోనే ఇది 8వ అత్యధిక వ్యక్తిగత స్కోరు కావడం విశేషం. చివరకు ఈస్ట్ జోన్ 163 ఓవర్లలో 708 పరుగులకు ఆలౌట్ అయింది. సౌత్ జోన్ బౌలర్లలో త్రిపురాణ విజయ్ 4 వికెట్లు పడగొట్టగా, చామ మిలింద్ 2 వికెట్లు తీశాడు. ఈ భారీ స్కోరుతో ఈస్ట్ జోన్ మ్యాచ్పి పూర్తి పట్టు సాధించింది.

సంక్షిప్త స్కోరు

ఈస్ట్ జోన్: 163 ఓవర్లలో 708 ఆలౌట్ 
(ఇషాన్ కిషన్ 270, కుమార్ కుశాగ్ర 101; 
త్రిపురాణ విజయ్ 4/180, చామ మిలింద్ 2/88).