ఆసియా క్రీడలు..

ఆసియా క్రీడల తొలిరోజే భారత్ పతకాల ఖాతా తెరిచింది. మహిళల 10 మీటర్ల ఎయిర్ రైఫిల్ టీమ్ ఈవెంట్లో భారత షూటర్లు రజత పతకాన్ని కైవసం చేసుకున్నారు. ఇలవెనిల్ వలరివన్, సోనమ్ మన్కర్, విదర్సా వినోడ్లతో కూడిన బృందం చైనా తర్వాత రెండో స్థానంలో నిలిచి సిల్వర్ మెడల్ సాధించింది. ఈ టోర్నీలో భారత్కు ఇదే తొలి పతకం.

ఎంఎంఏలో చరిత్ర సృష్టించిన సుచిక

మరోవైపు, మిక్స్డ్ మార్షల్ ఆర్ట్స్ (ఎంఎంఏ)లో సుచిక సెమీఫైనలక్కు దూసుకెళ్లి చరిత్ర సృష్టించింది. క్వార్టర్ ఫైనల్ మ్యాచ్లో విజయం సాధించడం ద్వారా ఆమె భారత్కు ఈ క్రీడలో తొలి పతకాన్ని ఖాయం చేసింది.

భారత మహిళల హాకీ జట్టు భారీ విజయం

ఇక భారత మహిళల హాకీ జట్టు తమ ఆరంభ మ్యాచ్లో ప్రభంజనం సృష్టించింది. పూల్ మ్యాచ్లో ఉజ్బెకిస్తాన్పై ఏకంగా 19-0 గోల్స్ తేడాతో ఘన విజయం సాధించి తమ ప్రచారాన్ని ఘనంగా ప్రారంభించింది.

కొన్ని విభాగాల్లో భారత్కు నిరాశ

అయితే, కొన్ని విభాగాల్లో భారత్కు నిరాశ ఎదురైంది. పుషులో పురుషుల చాంగ్ క్వాన్ ఫైనల్లో సూరజ్ సింగ్ 11వ స్థానంతో సరిపెట్టుకోవడంతో పతకం ఆశలు గల్లంతయ్యాయి. అలాగే, టెక్బాల్లోనూ భారత్కు పతకాలు దక్కలేదు. మహిళల సింగిల్స్, మిక్స్డ్ డబుల్స్ కాంస్య వతక మ్యాచ్లలో భారత క్రీడాకారులు ఓటమి పాలయ్యారు. ఇప్పుడు అందరి దృష్టి మహిళల క్రికెట్ జట్టుపై ఉంది. గోల్డ్ మెడల్ మ్యాచ్లో స్థానం కోసం హర్మన్ ప్రీత్ కౌర్ నేతృత్వంలోని జట్టు సెమీఫైనల్లో బంగ్లాదేశ్తో  తలపడనుంది .