లండన్లోని చారిత్రక లార్డ్స్ మైదానంలో భారత మహిళల క్రికెట్ జట్టు సరికొత్త చరిత్ర సృష్టించింది. 142 ఏళ్ల లార్డ్స్ చరిత్రలో జరిగిన మొట్టమొదటి మహిళల టెస్టు మ్యాచ్లో ఇంగ్లండ్పై 270 పరుగుల భారీ తేడాతో అద్భుత విజయాన్ని నమోదు చేసింది. ఆఫ్ స్పిన్నర్ స్నేహ్ రాణా (4/42) అద్భుత బౌ లింగ్తో చెలరేగగా, దీప్తి శర్మ (2/56) ఆమెకు చక్కటి సహకారం అందించింది. భారత స్పిన్నర్ల ధాటికి ఇంగ్లండ్ జట్టు రెండో ఇన్నింగ్స్ లో 186 పరుగులకే కుప్పకూలింది. దీంతో హర్మన్ ప్రీత్ కౌర్ నేతృత్వంలోని జట్టు క్రికెట్ మక్కాలో చిరస్మరణీయ విజయాన్ని తన ఖాతాలో వేసుకుంది. 457 పరుగుల అసాధ్యమైన లక్ష్య ఛేదనతో సోమవారం నాలుగో రోజు ఆట ప్రారంభించిన ఇంగ్లండ్, 130/6 ఓపర్నైట్ స్కోరుతో బరిలోకి దిగింది. ఓటమిని తప్పించుకోవాలన్న ఇంగ్లండ్ ఆశలు ఆ జట్టు బ్యాటర్ అమీ జోన్స్పైనే ఆధారపడ్డాయి. అయితే, ఆట ప్రారంభమైన మూడో ఓవర్ లోనే స్నేహ్ రాణా అద్భుతం చేసింది. ఆమె వేసిన బంతిని వుల్ చేసిన అమీ జోన్స్ (54), మిడ్-వికెట్ వద్ద ఉన్న షఫాలీ పర్మకు క్యాచ్ ఇచ్చి వెనుదిరిగింది. దీంతో ఇంగ్లండ్ ఓటమి ఖాయమైంది. ఆ తర్వాత క్రీజులోకి వచ్చిన ఆసీ వాంగ్, సోఫీ ఎక్లెస్టోన్ దాదాపు 10 ఓవర్ల పాటు వికెట్ పడకుండా అడ్డుకున్నా, పరుగులు చేయడంలో విఫలమయ్యారు. ఈ భాగస్వామ్యాన్ని దీప్తి శర్మ విడదీసింది. ఆమె వేసిన అద్భుతమైన బంతికి ఇసీ వాంగ్ క్లీన్ బౌ ల్డ్ అయింది. ఒకవైపు వికెట్లు పడుతున్నా, మరో ఎండ్లో సోఫీ ఎక్లెస్టోన్ ఒంటరి పోరాటం చేసింది. క్రాంతి గౌడ్, దీప్తి శర్మ బౌలింగ్లో బౌండరీలు బాది స్కోరు బోర్డును ముందుకు నడిపింది. అయితే, లారెన్ బెల్ను దీప్తి శర్మ బోల్తా కొట్టించడంతో ఇంగ్లండ్ 159 పరుగులకే 9 వికెట్లు కోల్పోయింది. ఈ దశలో సోఫీ తన తొలి టెస్టు హాఫ్ సెంచరీని 61 బంతుల్లో పూర్తి చేసుకుంది. కానీ, అద్భుతంగా బౌలింగ్ చేసిన స్నేహ్ రాణా, సోఫీ ఎక్లెస్టోన్ను (50) క్లీన్ బౌల్డ్ చేసి భారత చారిత్రక విజయాన్ని ఖరారు చేసింది.